Sarah’s Review 📦

جهاز تسخين الحليب من فيلبس هذا اللي تستخدمه العاملة بعد ماتسوي الرضعة ممتاز ومفيد جداً واشوفه ضروري يكون موجود يستخدم بعد لتسخين اكل البيبي بعدين بس مافهمت كيف لان سمسم لسا مابدا ياكل ☺️ سهل الاستخدام بس تحطين فيه مويا شوي وتشغلينه وتحطين الرضاعه تتسخن اخذته من مامز وورد بـ٢٠٠ ريال او حولها وهذا الجهاز بعد امدحه لكم دايم حاطته جنب راسي ادفي فيه الرضاعات Philips avent bottle & food warmer

باسكت التغيير من SKIPHOP … ارخص منها لكن ماعجبتني تجي رقيقة هذي مره مرتبه وقويه وفيها انارة خفيفة مفيدة إذا بتغيرين للبيبي بالليل وتبين تشوفين الاغراض وماتبينه يصحصح اخذتها من مامز وورد بـ٢٠٠ وشوي ومنزلين لون جديد بيج حلو احلى سله للاغراض وجودتها عاليه جداً اللي ورا حقت سلمان لها سنتين عندي والثانيه حقت سلطان توني شاريتها تشيل عفش كثير وفيها لمبة وتجيكم قاسيه من الاطراف اسمها skip hop diaper caddy من فيرست كراي

احلى رضاعات استخدمتها لسلمان قبل والان لسلطان رضاعات Dr browns القطعه الخضرا اللي فيها ماتدخل غازات لبطن البيبي فبالتالي تقلل المغص .. مشكلتها تنظيفها يطول شوي بس هذا 🤍

احلى عطر للاطفال والمواليد ريحته خفيفه مسوينه بالبابونج واحب احطه على شعر سلمان عشان اقدر اسرحه افضل من الجل

احلى مقياس حراره مايحتاج تلامس للطفل، تقدرون تستخدمونه لكل البيت جودته عاليه واستخدمه من سنتين، غالي بس يستاهل من براند braun اخذته من النهدي اتذكر

مره حلوه وجلدها عملي وتقسيماتها مناسبه من جوا اخذت الشنطه من children salon اسم البراند Pasito o Pasito سعرها ٦٠٠ ريال تقريبا

هذا احلى مقسم حليب جربت اثنين غيره ماناسبوني ويكبون الحليب او استخدامهم صعب من براند Beaba اخذته من فيرست كراي

هذا اخر الترا ساوند بسلطوني 🤍 واحلى الترا ساوند 🤣 الممرضه قالت لي ماشاءالله مدام مافي سترتش ماركس 🥰 كنت معصبه من الحر والطريق والزحمه وانبسطت بعد ماقالت لي 🤣 ما استخدمت لبطني الا منتج واحد بس 💗 وكلكم عارفينه مو شي جديد يوحد لون الجسم والمفاصل يرطب من قلب ومايخلي فيك ولا نقطه سترتش ماركس 🤌🏻 مو اعلان بس كل احد يسأل وش عنايتك بيدك هذا عنايتي بعد كل شاور على كل جسمي واكثر على المفاصل والبطن 💗 حرفياً الى اخر قطررره هذي ثالث علبه من بدايه الحمل الى الان بعد كل شاور وجسمي رطب احطه ولا يدبق ويمتصه الجسم بسررعه احلى زيت للجسم وامدحه لكم من سنين للاسف ماعندي كود خصم لانه مو اعلان بس مسوين خصومات قويه بموقعهم للعيد نتيجته طول فتره الحمل خلتني اتكلم عنه غصب 😍

صابون سائل لليدين آمن وجميل 🌱

احلى ديودرنت تفتيح برضو صار سولد اوت من كل مكان وكلموني شركه بيزلين منصدمين من الهجوم 💗💗

اذا شفتوني ماخذه كمية من منتج اعرفوا انه خيالي 🤍 لاني انسانه ماحب التجميع ابد 🤣 اكثر عطر feminine انثوي بالعالم 🤍 ريحته تجذذذذب بشكل مو عادي ! بعد ماخلصت ٣ علب قلت ليه ماقد سويت له ريفيو 🤫 عطر بيانكا من فرانشيسكا. مو اعلان ولا عندي كود خصم. بس هذا لازم يكون على تسريحه كل انثى ✨ احلى شي انه مصنوع بايطاليا 🇮🇹 ريحته مو ثقيله وتكتم الصدر ابدًا بالعكس مره هااادي وثابت ريفيو اليوم. كل يوم منتج جديد، رأي صريح، وبدون مجاملات. اكثر عطر انثوي. مكس ورد وباتشولاي وفلفل وردي. مكس انوثه، فخامه ونظافه وجمال 💗 عندي ٣ حبات منه وبطلب زياده. اسم العطر بيانكا من فرانشيسكا. اذا تبين عطر الجميع يسألك وش حاطه خذيه وانتي مغمضه. Sarah.Review

من احلى المنتجات اللي استخدمتها الفتره الأخيره. بيصير سولد اوت بعد شوي ماتوقع يقعد الى بكرا اذا تعانين من جفاف الفم الصباح او تبين شي يخلي ريحه نفسك فررريش طول الوقت هذي الحبوب خياليه، تنحط على اللثه وتذوب مع الوقت تقدرين تستخدمينها بالنهار او بالليل وقت النوم. وفيها ماده تحميك من تسوس الاسنان. ريحتها نعناع مره حلوه! هذي هي اخذتها من اي هيرب