Motherhood | إيثار

هذي ممتازة؛ يتدرّب الطفل فيها على مسكة القلم والكتابة، ويمشي بالقلم على الحروف كلها بدون ما يحوس، وبدون حبر. وتبقى عندك، بعكس الأوراق.

هاللعبة أكثر لعبة يحبونها عيالي هالفترة 🤍 المكعبات يسوون منها بيوت وجبال، والقطار فيه مغناطيس يتصل ببعضه، وسكة الحديد تتغير لأشكال كثيرة، مع إشارات مرورية وناس بدون ملامح. تجي معها كروت أفكار البناء للبيوت وأشكال سكك الحديد، وفيه الكيس القماشي الأحمر يلمها إذا خلصوا. أرتب ألعاب عيالي ❌ ألعب بألعاب عيالي ✅ أخذته من مسرّة، وشكرًا لسرعة تجاوبهم 🤍

مو مهم براند كرسي الطعام اللي تجيبينه، ولا يهم اللون… المهم تكون فيه المواصفات الأساسية. ولا تتوقعين إنه مو مهم؛ أنقذني مع سلمان، بفضل الله، من الانتقائية، لأني أعطيه الأكل وأخليه على راحته يلمسه ويشمّه ويقلب فيه وياكله. ماني مع إنك تدخلين الملعقة بفم طفلك وهو ما شافها ولا لمسها. أول شيء، المقعد يكون مريح لجلسة طويلة؛ لأن الأكل بالنسبة للرضيع عالم من الاستكشافات الحسية قبل يدخله لفمه. فيعتبر نشاط حسي مطوّل، عادي جدًا يأخذ ساعة؛ ويبي له صبر ووقت. فابعدي عن البلاستيك القاسي والخشب إلا إذا معه قطعة إسفنجية مريحة. حزام الأمان ضروري؛ لأن أكل البيبي يبي له صبر ووقت. المقعد الجلد هو أسهل شيء للمسح بالوايبس. لا تأخذين قماش يبيّق من أول استخدام وتضطرين تفكينه وتغسلينه بعد كل وجبة! الطاولة ضروري، واسمعيها مني، ضروري تكون طبقتين: طبقة للغداء وطبقة للعشاء، خصوصًا لو ما تغسلين المواعين إلا نهاية اليوم. وهي تعتبر من ضمن المواعين، مو أثاث؛ تتغسل بالصابون مثل الصحون، لأنه يأكل عليها وقد يطيح الأكل فيها ويرجع يأكله بالعافية 🤣

تدرون تقدرون تكتبون اسم على الشنطة والأغراض بفيرست كراي؟ أنا توي أدري 🤣 طبعًا مو أي شنطة، بس حقّاتهم. الشنطة نفسها حجمها يجنن وجودتها مرة مرة حلوة، وتختارين الثيم على كيفك. أنا اخترت كورة لأن الشارك طلع من خشمي. ومريحة مرة، زي الفوم من وراء، وفيه مكان للموية على جنب. وبرضو الاسم تكتبينه داخل، بالذات لو فيه أكثر من سلمان بالفصل.

«الأرز الحساوي يعتبر من أفضل أنواع الرز للرضيع بداية من ٦ شهور، لأنه مريح للمعدة والأمعاء ومايسبب انتفاخات وغازات، ويسهل الأرز الحساوي عملية امتصاص الكولسترول والأحماض الأمينية، ويعتبر مصدر مهم للكربوهيدرات، البروتين والألياف، ومناسب أيضاً لعمر ٩ شهور لأنه يخفف من تعب العظام والمفاصل للرضع وقت بداية المشي، ومناسب جدا جدا جدا للحامل والمرضع لأنه يعوضها عن الحديد اللي فقدته أثناء الحمل. مشكلة سعره مرتفع، لذلك لو اشتريتيه "درجة أولى" مو ضروري يكون يومياً، وتقدرين تستبدلينه باقي الأيام بالرز المصري أو بسمتي. سواء أخذتيه عضوي أو درجة أولى أو عادي كلهم فيهم نفس المميزات مافيه فرق كبير، بس أكيد العضوي هو الخيار الأول. عادة ماتتوفر كثير بالسوبرماركت، يطلب طلب من مواقع ابحثوا عنها مثل (الياسمين العضوية) أو تمارة، أو الهاون وغيره شركات كثيرة.»

«الشوفان للبيبي لما يسألك أحد عن أفضل عشرة أغذية بالعالم لازم الشوفان واحد منها، والسبب انه مليان ألياف بالتالي يعزز عملية الهضم ويقلل خطر الإصابة بأمراض القلب وبعض أنواع السرطانات الله يكفينا وياكم 🙏، ويعطي طاقة طبيعية للجسم، والطاقة يحتاجها البيبي مو عشان يلعب.. لا عشان ينمو جسمه لأن كل ١٠٠ غرام من الشوفان فيه ٤٠٠ كالوري، يعني اللي طفلها فيه نحافة يفضل يفطر عليه ❤️ الشوفان فيه نسبة عالية من الحديد والمعادن ويعزز المناعة وفيه مضادات أكسدة.» «مضار الشوفان: ممكن يسبب حساسية الجلوتين للرضع بعمر ٦ شهور، لذلك كبداية أنصح تعطينه شوفان خالي من الجلوتين. وبعد ما يكمل ٧ شهور تقدرين تعطينه الشوفان العادي بعد ما تختبرين الحساسية. طريقتي بالشوفان: أخذ الكمية اللي تكفي طفلي، مع شوية موية على النار لحد ما تكون زي القوام اللي بالصورة فوق، بعدها أضيف ملعقة تمر مهروس، أو موزة مهروسة، أو تفاحة مهروسة، أخلطها وأبردها وأقدمها 😋» «حبات توت أزرق وشرائح موز إضافية 🤍 شوفان بالكاكاو والموز والعسل فطور سلمان 🤍 ثلاث ملاعق كبيرة شوفان + أطبخها مع موية كوب مع نصف ملعقة بودرة كاكاو .. لما استوى أضفت (لتحلية الطعم) موزة مهروسة + ملعقة عسل»

«بذور الكتان تغذية الرضيع بذور الكتان صار عليها حملات توعية بأهميتها بالفترات الأخيرة، خصوصًا للأطفال، لأن فيها كمية لا تصدق من أحماض أوميغا ٣ الدهنية، اللي ثبتت الدراسات أنها تساعد في وظائف المخ والذكاء. وهي تعتبر مصدر ممتاز للألياف، يعني تنظم الجهاز الهضمي لطفلك، ولو فيه إسهال يكون الحل الأمثل له. مناسب من عمر ٨ شهور، لكن من ٨ إلى ١٢ شهر يفضل تقدمينه مطحون وتخلطينه مع الغذاء تجنبًا للاختناق لأنها ممكن تطير مع النفس للجهاز التنفسي بحكم خفتها. وبرضو ممكن تستخدمين زيت بذور الكتان كإضافة للطعام (انتبهي تتلخبطين بينه وبين زيت البشرة والشعر الموجود بالسوبرماركت). الكمية: لا تزيد عن ٣ ملاعق صغيرة، رغم أن مافيه أي دراسات مثبتة عن إفراط تناول الكتان، إلا أن ٣ ملاعق تعتبر كفاية تغذية.» «متى نوقف استخدامه؟ ١- إذا ظهرت أي علامات تحسس للطفل (رغم أن حساسية الكتان نادرة لكن كيف تعرفين؟ إذا كان فيه ضيق تنفس للطفل). ٢- في حالة الإمساك/الغازات وانتفاخ البطن نوقفه. ٣- لو كان عند الطفل التهاب سواء بمنطقة البامبرز أو تسنين أجّلي استخدامه. ٤- بالنسبة للأم لا تستخدمه وقت الدورة الشهرية والنفاس أو وقت الاستعداد للحمل. (وغير آمن أثناء الحمل)، اللي عندها قولون برضو ما ينصح تستخدمه، وكذلك مرضى السكر ما يفضل يستخدمونه. أفضل شخصيًا منتجات أرض الطبيعة (عضوية). ما تحتاج طبخ، أقدمها لعزيز ملعقتين مع كورنفليكس، أما سلمان ملعقتين صغيرة مطحونة مع الوجبات المهروسة.»

«أفضل منتج أرض الطبيعة العضوي» «للجلد: لأنها غنية بمضادات الأكسدة يعتبر أكل بذور الشيا أحد الحلول المثالية لصحة الجلد، يعني ممتاز لتقرحات طبقات الجلد عند الأطفال اللي فيهم سمنة، تقرحات منطقة البامبرز، وبقية مشاكل الجلد بشكل عام. للجهاز الهضمي: فيها كمية ألياف كبيرة تساعد على تنظيم عملية الإخراج للبيبي. صحة القلب والدماغ: نسبة الأومغا ٣ بحبوب الشيا أعلى من نسبتها بسمك السالمون اللي مشهور بأنه غني بالأومغا ٣. ينظم الكوليسترول. للعظام: عالي بنسبة الكالسيوم ويقوي الأسنان. العضلات: عالي البروتين ويساعد على مشي الرضع بشكل أسرع وبإتزان أكبر.» «متى مسموح نعطيها للبيبي؟! بعض الدراسات تقول من ٦ شهور وبعضها تقول من ٨ شهور لذلك من باب الاحتياط نقول من عمر ٨ شهور. غالبًا ماراح يحب طعمها، جربي إضافة ربع ملعقة صغيرة بوجبته ومن بكرا زيديها لحد ما يتعود على الطعم، لأن صدقيني لو تتعمقين بفوائدها حسافة حسافة يرفضها. كيف نقدمها للبيبي؟! انقعيها بماء دافي ساعة، وبعدها بالخلاط، أضيفيها مع الأطعمة الثانية بعد ما تتأكدين من اختبار الحساسية. إذا بدأ يقضم الفواكه تقدرين تقدمين له حبوب الشيا بدون خلاط. موزة + الحليب المعتمد للبيبي سواء حليب الأم أو الصناعي + حبوب شيا سواء سوداء أو بيضاء أو اثنينهم. طريقة عمل بودينق الشيا الشهير 😉» «سناك سلمان 🤍 زبادي مع بذور الشيا وعسل طماطم وخيار توت أزرق وشريحة برتقال» «توت أزرق زبادي وبذور الشيا ومربى غداء سلمان 🤍 أومليت»