روابي المطيري | Rawabi

رقم واحد عندي للشتاء هو باتشولي آردنت من جيرلان؛ هو من جد رقم واحد وشيء ثاني! يناسب النساء والرجال. إذا تبون عطرًا شتويًا راقيًا وثابتًا ومميزًا، هذا اختياري الأول ضمن مفضلاتي لشتاء 2025. فظيع، شمّوه!

أورفيون من ديبتيك هو الثاني ضمن مفضلاتي لشتاء 2025. كنت ودي أحطه رقم واحد، بس فيه عطر متصدر! ديبتيك دار عطور فرنسية، لها خط خاص وتركيبات مختلفة؛ لما تشمّونه تحسون بشيء غير ما قد مر عليكم. أورفيون جدًا راقٍ وناسبني أنا. أحس ريحته فيها ياسمين وتوت العليق وروائح خشبية شتوية، وامتزاجها يعطي رائحة مختلفة جدًا وراقية. أغرمت فيه، ويذكّرني بباريس مرة! أورفيون من العطور الأكثر مبيعًا عند ديبتيك، ومعه دو سون وعطر أتوقع اسمه «فلور دي أو». لكن اللي ناسبني أنا هو أورفيون. العبوة اللي عندي إصدار الكرسمس. كان خاطري بالإصدار القديم، لكن المتوفر وقتها كان هذا الإصدار، لأنهم يغيّرون شكل العلب في الكرسمس.

كافيه روز من توم فورد هو الثالث ضمن مفضلاتي لشتاء 2025. شوفوا استهلاكي، تقريبًا ما عاد باقي فيه إلا شوي! العطر جدًا راقٍ، واللي يحبون ريحة ماء الورد مرة بيعجبهم. ريحته ماء ورد، لكن داخلة معه الأخشاب والأشياء الشتوية. أشوفه مناسبًا للمناسبات الليلية في الصيف، أو للاستخدام في الشتاء.

إذا شفتوا هذا البلشر خذوه بسرعة! درجة 05 خيالية؛ أحسها تغيّر الميكاب، وتناسب السمراء والبيضاء والفاتحة والحنطية. على كثر ما أشتري، ما قد حسّيت بنفس هذا الإعجاب بالدرجة؛ تجنن وحلوة مرة مع الكونتور. أنا طايحة هالفترة بحركة أحط فيها البلشر من آخر العين، بالطريقة اللي أوريكم إياها بالمقطع، وعجبني شكل وجهي معها. واللي تخاف تحط بلشر كثير أو ما تعرف توازن كميته: حطيه، أشوف الدرجة موزونة على الخدود؛ أكثر من كذا لا. كنت بخلّص الفلوق، لكن رجعت أوريكم كيف تطلع الدرجة مع الكونتور. شوفوا المكس والنتيجة بأنفسكم؛ مرة حلوين مع بعض، خلص التعبير من كثر ما أعجبتني!

ولا قد مرّة ضبط معي فونديشن أو تنت على لون بشرتي بالضبط زي هذا! درجتي 02. كنت كل ما أجيب فونديشن أو تنت وما يطلع نفس لون بشرتي، أضطر أشتري واحد ثاني أغمق أو أفتح وأخلطهم عشان أوصل للوني. أنا أحب يكون الفونديشن أو التنت نفس لون بشرتي، وأفتح وأغمق بالكونسيلر أو الكونتور، وهذا ضبط معي. فيه فيتامين C وحماية SPF 50 وPA من الأشعة فوق البنفسجية؛ لما أحط مكياج الصباح أحب تكون فيه حماية. شوفوا بالمقطع كيف يندمج: هذا لون بشرتي بالضبط، وأنا مفتّحة تحت عيني. الوزنية الصح عندي إنه يندمج ويكون مناسبًا للوني، مو أفتح بكثير.