ماش حب أخضر من زين

العصريات والظهر والله ما آكل غير السلطة، مانيب ماكلة خبوز.. أبي شي فريش بالصيف ويبرد علي بنفس الوقت مفيد، فكرت في السلطات. سويت سلطة بالماش، قد شفت صديقتي مدحتها لي وتقول مرة زانت بشرتها عليها والماش معروف كويس للجسم. وحطيت معها عصير أناناس وموية جوز الهند، يعني الترطيب إكسترا والطعم فريش ومرة لذيذ ومفيد بنفس الوقت. السلطة كنت كل يومين أسويها لأنها حلوة، بحط لكم طريقتها. الماش تسلقونه لمدة 20 دقيقة وخلوه على جنب لين ما يبرد. وبعدها خلطت الماش مع خيار وطماطم وبقدونس ونعناع ورمان. والتتبيلة: ليمون + شوي دبس رمان + زيت زيتون + ملح وفلفل. وبس. لذيذة ومفيدة وسعراتها مو عالية، والماش عاد فوائده تروع، سمعت إنه بعد حتى يشد الجسم. هذا نوع الماش اللي أخذته من نينجا.