سوار ووب 4.0

والأهم من هذا كله التعافي من الإجهاد الرياضي أو الإجهاد البدني، وهذا اللي فرق ووب 4.0 عن غيرها من المنافسين، سواء من الساعات الذكية، الأساور الذكية، حتى الخواتم الذكية. فكرة الريكفري مركزين عليها بشكل جدا كبير؛ أهمية التعافي بأهمية المجهود البدني الرياضي اللي تسويه. ووب سوارة رياضية ذكية مهتمة بتحليل وتتبع كل شي يخص لياقتك البدنية وصحتك على مدار الساعة يوميا. واللي حسنوا فيه تحسينات جدا كبيرة عن منافسينهم. معدل نبضات القلب، حرارة الجسم، الأكسجين داخل الدم، جودة ومدة النوم، الإجهاد الرياضي. مرة سهل إنك تلتزم فيها. الشي الثاني بطاريتها تدوم خمس أيام. والأهم من هذا كله إنها مقاومة للماء. يعني تقدر تتروش فيها، تتوضى فيها، تسوي تمارين المسبح فيها، تنزل بحر فيها؛ لأنها كلها عبارة عن قطعة قماش، قطعة بلاستيك. تطبيق ووب بالعربي بصراحة هذا خبر يعني يستنونه الكثير. ووب الحين صارت بالعربي بشكل كامل، الأبليكيشن. وهذا الشي يعني كان الناس من زمان يطالبون فيه. الحين تقدرون تستمتعون؛ صراحة التعريب مرة ممتاز. طبعا من أول الـAI حق ووب، من أول كنت تقدر لما تسأله عربي يجاوبك عربي، لكن الحين صار العربي الكامل. بس في سالفة إنه لازم للأسف إنك تخلي الجهاز عربي. ما هم حاطين خيار من الإعدادات إنك تحول التطبيق عربي. فالناس اللي متعودة للجهاز يكون بالإنجليزي، للأسف إلى الحين ما في طريقة لقيتها صراحة.