غلاية بالاتي إنسو — Palatti Enso

الصبة ناااعمة وسلسة، مع العلم أقدر أتحكم وأبدّل طريقة مجرى الموية. طريقة التحكم عجبتني؛ تقدر تغيّرها باللمس، أو تحطّ قطعة التحكم المغناطيسية كذا، وتتغيّر معك. وحول الكتل فيه حلقة دائرية، تنوّر أبيض إذا ما هو حار، وتبدأ تبرق برتقالي خفيف وهو يسخن، وأحمر إذا وصلت الحرارة عالية، ويكتم الأحمر بعد ما يخلص. للأمانة سريع جدًا جدًا. أنا كنت أستخدم كتل الفيلو، وكان صراحة أبطأ منه بكثير. يعني ما أدري؛ خلّنا نشوف التايمر، بس ما أخذ إلا دقائق. نخلي الحرارة هنا 92، وتقدر تبدّل المقياس وتشغّله، ويطلع لك تايمر في كل مرة يبيّن كم أخذ عشان يسخّن الموية للدرجة المطلوبة. بعد ما يوصل، فيه المؤقت العكسي. عندك تقريبًا خمس دقايق يحافظ فيها على درجة الحرارة اللي وصل لها. وإذا ضغطت مدة على زر التشغيل، يطلع شكل مثل السهمين؛ ما أدري إذا واضحة معكم. بحيث إني كل مرة أستخدم الكتل وأرجعه بالقاعدة، يحاول يحافظ على درجة الحرارة بشكل دائم. طول الوقت يسخّنها عشان تظل على 92. أنا ما أدري صراحة المحصول الرائع هو السبب ولا فعلاً الكتل الجديد؛ ما شاء الله سطح مستوي، شوف شلون، وكل أمورنا تمام. إن شاء الله قهوتنا طيبة.